Каб як сьлед пазнаёміцца з цыгарай і ацаніць усё яе вартасьці, патрабуюцца шматгадовыя досьвед і практыка. Непадрыхтаванае і няўмелае ўваходжаньне ў сьвет курцоў цыгараў можа прывесьці да таго, што ў пачаткоўцаў назаўжды зьнікне ахвота ўзяць цыгару. Для неазнаёмленых гэты сьвет падаецца падобным да джунгляў або горш таго, сэкты, куды шлях староньнім зачынены.

Міфы ўзьнікаюць у выніку павярхоўнага позірку на гісторыю цыгараў, тады як цыгара, сам назоў якой абвеяны таямніцай, зьяўляецца прадуктам доўгай і карпатлівай працы, якая ўдасканальваецца з плыньню стагоддзяў.