Сабранае ў хаце тытуню ў снапы лісьце накіроўваюцца ў хату фэрмэнтацыі, зачынены наглуха і цёмны ангар, дзе іх раскладваюць на плятформе ў кучы вышынёй 1 м. Тэмпэратура ўсярэдзіне іх паступова падвышаецца. Калі яна дасягае 35°C, кучы дробняцца, каб дазволіць тытуню астудзіцца. Лісце застаецца ў такім становішчы ад 20 да 50 дзён, у залежнасці ад яго якасьці і прызначэньня, а таксама кліматычных умоваў, пры якіх яно было сабранае. З лісьця выпарваюцца яго сокі, і яно набывае аднастайны колер.

Лісьце тытуню паступаюць у escogida, хата сэлекцыі. Лісьце змочваюць вадой (а лісьце для напаўняльніка цыгары – настоем на тытунёвых сьцеблах). Затым лісьце разгладжваюць і сартуюць rezagadoras (сартавальшчыцы лісьця). Лісьце разьмяркоўваюць па групах у залежнасьці ад памеру, колеру, тэкстуры, паходжаньня і прызначэньня (capa, capote, ligero, volado, seco). Дасьведчанай сартавальшчыцы досыць кінуць адзін позірк, каб вызначыць да 40-ка (!) розных характарыстакаў ліста. Пасьля сэлектыўнага адбору лісьце сякуць напалову (акрамя будучых покрыўных лістоў), зьбіраюць у пучкі па 40-60 штук, а затым у зьвязкі з 4-х пучкоў, manojos.

Пасьля гэтага пакуюць і адпраўляюць на фабрыкі па вырабе цыгараў.