Гэта адзін з вызначальных момантаў. Абрэзаць галоўку цыгары варта ўпэўненым і дакладным рухам, сочачы за тым, каб не адхапіць лішняга. Кожны вырашае па сваім меркаваньні, чым і як абрэзаць цыгару. Абрэзаць галоўку варта ў тым месцы, дзе скручанае лісце ляжыць гарызантальна, раўналежна адзін аднаму. Невялікае паглыбленне ля асновы галоўкі служыць добрым арыенцірам. Калі дыямэтр зрэзу недастатковы, рух духмянага дыму будзе абцяжараны. Магчыма нават утварэньне коркі з смол і нікатыну. Вельмі шырокі зрэз не нясе небяспекі, аднак ён зробіць цягу занадта вольнай, што прывядзе да залішне “гарачага” паленьня. Асабліва гэта датычыцца кароткіх цыгараў фармату robusto або obus, у якіх зрэз павінен быць мінімальным.

Каб абрэзаць цыгару трэба карыстацца адмысловай прыладай, прызначаным для гэтай мэты.

Абразанне цыгары гільяцінкай

Найболей распаўсюджаная прылада абразаньня цыгары. Заўсёды мае мэталічнае лязо. Гільяцінкі з плястыкавым корпусам хутка разладжваюцца. Пажадана выбіраць гільяцінку з лязом з загартаванай сталі. Галоўку цыгары варта ўводзіць з боку, процілеглага скосу ляза. Сустракаюцца і гільяцінкі з двума лёзамі, яны больш эфэктыўныя.

Абразаньне цыгары нажніцамі

Цыгарныя нажніцы дазваляюць абрэзаць цыгару амаль з хірургічнай дакладнасьцю і чысьцінёй. Кошт на іх высокі, але некаторыя вытворцы цыгар бясплатна прыкладаюць іх да прадукцыі, замацоўваючы на вечку скрынкі.

Сьвярдзёлак або мысьлік (прабойнік). Гэтыя прадметы ўжо амаль вышлі з ужываньня. Але ў апошні час мода на іх вярнулася. Сьвярдзёлак – невялікі цыліндр з нержавеючай сталі ў скураным або плястыкавым футарале, часам бывае выкананы ў выглядзе бірулькі. З яго дапамогай у галоўцы цыгары атрымліваюць круглую адтуліну. У сьвярдзёлка мусіць быць бездакорная рэжучая частка. Мысьлік можна выкарыстаць толькі для цыгараў традыцыйнай формы, не фігурных.